ក្រុមហ៊ុន Samsung រក្សាបានតំណែងក្រុមហ៊ុនក្ដាប់ចំណែកទីផ្សារស្មាតហ្វូនច្រើនជាងគេ ឈ្នះ Apple នៅឆ្នាំ២០១៥
28-January-2016 | ដោយ ម៉ែន កំសត់
ពេលនេះ របាយការណ៍ស្ដីពីតួលេខចែកចាយលក់ស្មាតហ្វូនទូទាំងសកលលោកក្នុង ឆ្នាំ២០១៥ កន្លងទៅបានលាតត្រដាងចេញហើយ ដោយក្រុមហ៊ុនវិភាគទីផ្សារ Strategy Analytics។ របាយការណ៍បង្ហាញថា ចំណែកទីផ្សារលក់ស្មាតហ្វូនសរុបក្នុងឆ្នាំ២០១៥ គឺមានការកើនឡើង ១២% គិតជាតួលេខមាន ១,៤ពាន់លានគ្រឿង។
ក្នុងនោះ ក្រុមហ៊ុន Samsung នៅតែរក្សាតំណែងជាក្រុមហ៊ុនទូរស័ព្ទក្ដាប់ចំណែកទីផ្សារស្មាតហ្វូន ច្រើនជាងគេ ដោយលក់បាន ៣១៩,៧ លានគ្រឿងក្នុងមួយឆ្នាំពេញ ឆ្នាំ២០១៥។ រីឯ Apple ឈរលេខរៀងទី២ លក់បាន ២៣១,៥លានគ្រឿង។
តាមក្រាបខាងលើបង្ហាញថា ក្រុមហ៊ុន Samsung ក្ដាប់ចំណែកទីផ្សារបាន ២២,២% ខណៈ ដែលក្រុមហ៊ុន Apple មានត្រឹម ១៦,១%ប៉ុណ្ណោះ។ ក្នុងនោះក្រុមហ៊ុនទូរស័ព្ទ Huawei បានឈរនៅលេខរៀងទី៣ ក្ដាប់បានចំណែកទីផ្សារ ៧,៤% គិតជាតួលេខលក់មាន ១០៧,១%។
ចំណែកក្រុមហ៊ុនចំនួនពីរគឺ Lenovo-Motorola និង Xiaomi ឃើញមានចំណែកទីផ្សារប្រកៀកប្រកិតគ្នា គឺលក់ដាច់រៀងគ្នាបាន ៧៣,៩លានគ្រឿង(៥,១%) និង ៧២លានគ្រឿង(៥%)៕
ប្រភព ៖ engadget , bizkhmer
ចំនួនអ្នកទស្សនា
- ថ្ងៃនេះ271
- ម្សិលមិញ3741
- សប្តាហ៍នេះ4021
- ខែនេះ78461
- ឆ្នាំនេះ333401
- សរុប19560847